金城。漁

營業中

休息中

晚餐試佢嘅煲仔飯同埋家常小菜，唔使點等就有位。見大推煲仔飯就叫左個臘腸滑雞煲仔飯，鹹魚肉餅煲仔飯加個咕嚕肉同埋蒜蓉炒白菜。煲仔飯由order到上枱等左20分鐘。上枱時職員會問你要幾多豉油。佢幫你落完豉油之後，焗多一陣先幫你開蓋。米飯粒粒分明，吸收晒肉餅同埋鹹魚嘅鮮甜。飯焦食落香脆可口，但並唔多，只係有伶仃幾塊。每啖飯都香氣十足，好味👍🏼蒜蓉炒白菜鑊仔上，唔太乾身，每棵都有啲汁，量適中咕嚕肉哩味餸肉嘅份量偏少，加上佢用哩個大碟，望落就少之又少… 味道正常。環境乾淨但坐位偏窄。