影片
更多
2022-11-09
183 瀏覽
Winner Burger 食包 (太子)📍太子太子道西139號地下C號舖Winner Burger係 OpenRice 一直都係人氣漢堡店，bookmark左好耐，今日喺附近行街所以一定要預留一個晚餐俾佢！☺️店舖裝修走玩味風格，顏色配搭鮮艷，店舖面積唔大，採用左開放廚可以擴大空間感，亦都可以令客人睇到職員喺入邊準備食物嘅情況！堂食位置有限，每次只可以容納到四位客人，亦都眼見好多客人選擇左外賣！Burger款式選擇都算多，價錢亦都比較經濟大概$62至到$92左右，另外更可以加$18添加一小食同一個罐裝飲品，如果汽水唔啱飲，可以再加$3轉支裝飲品，例如支裝茶飲。我哋今晚叫咗兩個漢堡，同埋總共加咗$36要咗兩份小食同兩個罐裝飲品！👩🍳 Mega 重量WB豬牛薯堡 $92佢個名堂已經話咗俾你聽，呢個漢堡係重量級！入邊有一片豬肉漢堡同埋一片牛肉漢堡，再加上薯餅其實已經好厚！另外仲有其他配料，例如蕃茄，煎流心蛋，芝士同埋生菜，基本上成個漢堡高到係冇可能直接放到入口！漢堡係手打而成，略有調味過，再加上用咗特製WB醬汁，更加可以帶出肉香，而且肉汁爆棚！值得一讚嘅係講到明流心蛋，佢哋又真係可以控制到
📍太子太子道西139號地下C號舖
Winner Burger係 OpenRice 一直都係人氣漢堡店，bookmark左好耐，今日喺附近行街所以一定要預留一個晚餐俾佢！☺️
店舖裝修走玩味風格，顏色配搭鮮艷，店舖面積唔大，採用左開放廚可以擴大空間感，亦都可以令客人睇到職員喺入邊準備食物嘅情況！堂食位置有限，每次只可以容納到四位客人，亦都眼見好多客人選擇左外賣！
Burger款式選擇都算多，價錢亦都比較經濟大概$62至到$92左右，另外更可以加$18添加一小食同一個罐裝飲品，如果汽水唔啱飲，可以再加$3轉支裝飲品，例如支裝茶飲。
我哋今晚叫咗兩個漢堡，同埋總共加咗$36要咗兩份小食同兩個罐裝飲品！
👩🍳 Mega 重量WB豬牛薯堡 $92
佢個名堂已經話咗俾你聽，呢個漢堡係重量級！入邊有一片豬肉漢堡同埋一片牛肉漢堡，再加上薯餅其實已經好厚！另外仲有其他配料，例如蕃茄，煎流心蛋，芝士同埋生菜，基本上成個漢堡高到係冇可能直接放到入口！
漢堡係手打而成，略有調味過，再加上用咗特製WB醬汁，更加可以帶出肉香，而且肉汁爆棚！
值得一讚嘅係講到明流心蛋，佢哋又真係可以控制到！Burger入邊有流心蛋，真係第一次見！
👩🍳 肉醬漢堡 $72
呢個漢堡可以自由選擇牛或豬，而我哋係選擇左牛肉漢堡嘅！餡料同上面嗰個一樣，有蕃茄，煎流心蛋，芝士同埋生菜，唔同嘅地方，呢款就用咗美式肉醬！食落比較開胃，因為美式肉醬比較酸口味！比起WB特製醬汁就各有特色！
🍟薯條
雖然只係加$18就可以有一個小食同飲品，但小食嘅份量其實都十分之適中！薯條亦都炸得好香脆，配上大量嘅調味料超惹味！座位附近有支比較特別嘅茄汁，有Tabasco 嘅味，但又唔辣㗎喎！
🍗青山炸雞
睇落個樣以為炸到比較乾柴，但咬落去就見到其實雞肉仲非常之柔嫩，仲有肉汁添！仲要非常之熱辣辣，好食！
❤️ 呢間漢堡店做得非常出色，價錢實惠，分量多，選食材唔馬虎，烹調方式又有誠意，性價比絕對高！如果喺呢頭住，我諗我會成日叫外賣！最值得讚係所有食物都非常之熱辣辣，你有冇食過漢堡係會熱到出煙？ 佢哋就係可以熱到呢個程度！呢種有心做嘅小店真心值得支持！
張貼
