豚王 (V Point) (已結業)

放工想食拉麵，就揀咗係銅鑼灣登龍街既豚王。平日夜晚7點去都差唔多滿座，開咗咁耐依然咁受歡迎。我哋兩個人嗌咗2碗拉麵、1個小食，超級飽😋😋翠王想試呢款特別口味，果然無失望。個湯底加咗芝士同羅勒葉，好香橄欖油既味道，濃郁得嚟又唔會好油膩，係其他拉麵店食唔到味道。千祈唔好俾個綠色嚇親，一定要試試！赤王鍾意食辣既人必定會嗌呢個。個湯底加咗秘製既香辣醬汁，越食越胃口，嫌唔夠辣可以再加唐辛醬。不得不提拉麵既腩肉好嫩滑，而且有成4、5塊，份量十足！我地仲叫咗豚王餃子王同柚子富士山汽水。餃子正常發揮，薑味都幾重。十分推介個柚子汽水，唔會太甜又香柚子味。