熊貓小雲吞 (興華廣場)

營業中

休息中

今日去柴湾興華廣場地下熊貓小雲吞買外賣孝敬老媽。我買了媽媽愛吃的招牌一口䐁肉雲吞和撈麵。淨雲吞有4款，今日買了淨雲吞系列。雲吞採用上等靚豬，一口一個好好食，外皮滑，餡足料夠味。媽子讚韭菜䐁肉雲吞有風味，我就最鍾意夠鮮味的鮮蝦䐁肉雲吞。下次試埋一口高麗菜䐁肉雲吞和一口粟米䐁肉雲吞。湯底有六款，有辣有唔辣。美颜番茄湯和惹味清雞湯啱我們口味，湯有香葱和芫茜，還有生菜，正。熱撈麵便當也美味，我揀了啖啖肉豬扒撈幼麵。豬扒大大塊多肉，豬扒味道不錯，撈麵少少辣好味道，配菜腐皮，菜甫，黄豆，花和唐生菜都好味。芝麻鹽焗手撕雞賣哂，叫了蜜汁芥末炸雞翼。雞翼大隻多肉又惹味。吃完雲吞撈麵飲番枝微甜的手工冷泡洛神花茶，perfect!順便買了瓶出名的麻辣醬俾老媽煑雞煲。