潮豐打冷

營業中

休息中

今晚約咗個舊朋友出來，朋友住觀塘，就佢就去左附近食飯。天氣突然咁凍，最好就係去食煲仔飯。未夠六點去到潮豐，好少人，不過食到咁上下就好多人啦！今晚叫咗個上海大亨飯$78（排骨、瑤柱、蝦干、臘腸) ，同埋蒜蓉炒西蘭花$46。個煲仔飯熱辣辣送上枱，真係好多餸，排到滿曬，D飯硬道適中，仲有好多飯焦。蒜蓉炒西蘭花好好味，蒜蓉好香，西蘭花煮到剛剛好，有D爽口。環境都算好乾淨，服務好好，以呢個價錢真係唔錯，好抵食。