又一川

營業中

休息中

我本身好少去九龍，今日有事去開個頭就用openrice搵下有咩好食啦，突然想食辣野，咁就搵到呢間食酸辣粉。入到去環境就一般啦，燈光比較暗，都唔算好迫，冷氣都算夠，午飯時間黎講又唔算好多人。我叫左個牛柏頁魚皮餃酸辣粉，湯味道唔夠濃同唔夠酸，薯粉太林，等我重特登行左成半個鐘去，都幾失望，但又未至於難食既。另外叫左尖椒皮蛋，不過我食曬碗粉先拎黎，我估佢地本身唔記得左，係黃金皮蛋但偏鹹。豆漿係枝裝應該唔係自家製既，不過味道唔錯。我就唔會再encore。