焱丸水產 (已結業)

今晚重臨焱丸，每次黎都係最愛焱丸嘅環境，好似日式食店，好有身在日本感覺。日式小包廂，自成一角。連天花都有裝飾。店內有大招牌。野食方面，都有一定水準。原條池魚、北寄貝、甜蝦刺身，刺身都好新鮮。焱丸號壽司，呢個第一次食，上面有海膽、三文魚子、吞拿魚腩醉、玉子絲、蟹柳絲，撈埋食又幾好味。璣燒大蝦，每次黎焱丸都有食燒烏賊，不用多講了，好味。璣燒大蝦，肉質唔錯，唔會林，仲有蝦膏添。貴妃蚌，都算大隻，海水味唔算好重。帶子，燒得剛剛好，正！海鮮炒飯，都幾豐富，炒得夠均勻，送海鮮一齊食，夠滿足。巨峰啤酒，上面有啲泡泡又幾過引。白桃梳打，好清新嘅白桃味。