李家 (山林道)

營業中

休息中

今日行經山林道，見到"李家"呢間韓國餐廳，鋪面都好韓國feel, 有韓國街頭經常出見既打卡位天使翼，好易認呀！見到餐牌，午餐到5點，又幾抵食，一於試下先！我地叫左石頭鍋飯午餐，無諗過份量極多，仲有埋泡菜同湯。另外叫左辣炒芝士海鮮年糕同無骨炸雞。熱哄哄既炸雞香噴噴，其實炸雞就咁食已經好鬼好味，點埋醬食又係另一翻風味。炸雞一啲都唔油，雞肉又嫩滑，皮又香脆！而海鮮年糕，個汁惹味開胃，芝士又有拉絲效果，裏面有埋烏冬又幾夾。呢度全部野都大大份，我地兩個食唔哂，打包返屋企食，拎返屋企整返熱一樣咁好味。呢間店全部店員都識韓文，又nice ，讚。