二鍋頭 (嘉芙中心)

營業中

休息中

二鍋頭呢個滋味無限烤魚 牛雜煲 火鍋放題 真係好多選揀，令人眼花撩亂！包括二鍋頭三寶—二鍋頭惹味雞煲、香濃黑椒豬手煲和秘製火焰牛尾煲，仲未完！仲有烤魚、嫩滑酸菜魚和秘製牛雜煲之後仲有打邊爐！嫩滑酸菜魚有平時單點嘅水準！魚片嫩滑，但都要小心，偶爾有一兩嚿會有魚骨！酸酸辣辣好開胃，另外仲會配咗木耳、薯粉等配料，十分正宗！我仲自己加咗喺自助區拎嘅金菇同埋萵筍等，更加滋味！龍蝦海鮮粥底鍋呢個係尖沙咀限定，之前到訪仲係未有嘅，當然要揀呢一個試一試！龍蝦有好多膏，另外肉質爽彈！建議滾起就可以即刻撈上嚟食，唔係就會過熟㗎啦！部分配料用QR code 落單 包括前菜、牛板腱、脆鯇魚腩、脆鯇魚片、活海蜆、墨魚滑等～前菜推介 酸辣涼拌魚皮；活海蜆 鮮甜飽滿，保持水準！另外在自助區可以拎蔬菜、各式丸類、醬料、麵食、炸魚皮、響鈴等～ 蔬菜方面 娃娃菜、萵筍都十分新鮮，係不錯嘅選擇；部分丸類更是台灣直送，值得一試！甜品各種雪糕雪條選擇，仲有香港品牌嘅雪糕，選擇十分多元化！尤其喜歡榴槤雪條，榴槤味道濃郁！