味火鍋 (華僑商業中心)

之前同朋友仔都食過呢間火鍋店，我哋最鍾意佢係無限時任你食，可以坐低傾偈慢慢食😋真係慢慢嘆足一晚！最近知道佢哋新推出有潮汕牛肉同新鮮海鮮都係任食🤩即刻約朋友過嚟一齊食啦～一坐低，點了幾款邪惡小食😂招牌自家製黃金脆魚皮超級香脆，點湯都唔會淋，完全停唔到口。仲有呢個自家製椒鹽粟米都係必食，鹹香惹味，任你食到飽，啱晒一班朋友邊傾計邊食。牛肉控一定要試埋四款潮汕牛肉，全部新鮮切片，油花靚又有牛味，任叫幾多都得，仲有伊比利亞黑豚肉，肉質嫩滑，肥瘦適中。海鮮方面今晚有鮑魚、海蝦、台灣白鱔片，大大隻鮑魚上枱時仲郁緊🤩全部每日新鮮入貨，打邊爐一流。另外有自家製三款手工餃、炸響鈴同炸餐肉，全部都係自家製作，餡料足又有誠意。火鍋配料選擇多到數唔晒，丸類、蔬菜、粉麵、豆腐全部任叫。飲品方面，啤酒同汽水都係無限時任飲，仲有玻璃樽裝汽水，好有懷舊feel。真係性價比爆燈，無限時任食任飲，食物選擇勁多又有質素，打邊爐可以慢慢嘆，唔怕趕時間。