以前食過一次，嗰陣仲係得散叫。最近先知原來晚市仲有任食火鍋，仲要係無限時。之前提過嘅Runny Cheese都仲有，但放題當然冇得食🤣。
2
✨天心嚴選 無限時火鍋放題
🦪特選鮮蠔$598
🥩嚴選美國牛肉$298
清甜豆乳柚子湯・日式蕃茄湯・濃味特式豬骨湯・壽喜燒（鋤焼き）・韓國泡菜和牛湯
1
最特別係同枱可以揀唔同餐，因為得定量嘅拼盤有唔同。$598嘅套餐會多咗特選鮮蠔同三款安格斯牛肉。隻隻蠔都好大隻，煮耐啲都係咁飽滿。牛肉質素喺任食嚟講算高，塊塊都厚切。而安格斯牛確實比普通美國牛靚好多，脂肪分布平均，嫩滑但係冇咁肥膩。海鮮超正，連鮑魚都有。
第一round定量嘅肉類已經夠晒兩個人食。所以我哋冇再encore肉。反而覺得佢哋嘅蔬菜、菇菌特別新鮮，所以叫咗幾轉。豆腐、年糕福袋用嚟吸壽喜燒湯汁都幾正。仲叫咗份炸雞軟骨邊食邊等料熟。汽水都係任飲㗎！
