家家頌餅店

營業中

休息中

記得細個一定係食包做早餐，最鍾意食就係吞拿魚包同芝士條🥖，仲好鍾意撕啲芝士出黎留番最後先食😅。大個左之後屋企變左食穀物早餐🥣，就好少再買包食。呢排屋企無人煮早餐，我就決定大手入麵包，分別揀左提子包🍇、吞拿魚包、斑蘭軟包、提子鬆餅，另外有啲熱辣辣嘅唐餅老婆餅、紅豆餅，最後口痕揀埋嘅飯後甜品朱古力千層蛋糕🍰。吞拿魚包比較少醬，主要係鹽浸吞拿魚肉，同提子包一樣好鬆軟，好有空氣感。斑蘭味軟包，都係好有空氣感，但就多一份特別嘅斑蘭蛋糕味，比較特別。唐餅嘅味道就幾甜，不過絕對係意料之內。千層蛋糕就唔算薄層，朱古力嘅味道就靠chocolate chips同面頭嘅朱古力粉🍫調味，中間嘅忌廉亦較多，整體感覺比較膩。呢度都做好多特色生日蛋糕🎂，下次有機會可以考慮訂番個比鍾意卡通嘅朋友仔。