影片
更多
2022-10-22
682 瀏覽
今日嚟咗位於旺角鬧市嘅一間人氣燒肉店 主打無煙燒肉☺️ 我地嗌咗個Supreme set 包咗餐牌上面B C D嘅項目 仲有店鋪自家製梳打任飲🥤肉類 飲品等係用QR code落單嘅 方便易用 出面仲有自助吧位置 可以拎炸物 蔬菜同甜品🍮炸物粟米炸雞塊 薯條🍟兩樣都係自助吧夾嘅 比較特別嘅係粟米炸雞塊外層係用粟米片炸㗎😮蔬菜翠玉瓜 茄子 粟米 雞肶菇 冬菇 牛油雜菇🧈 有啲係自助吧夾嘅 有啲係落單嘅 我就鍾意牛油雜菇喇 邪惡得嚟又真係好吸引肉類全牛拼盤 幾欣賞佢一開始就上拼盤同牛五花 等我地樣樣都試到😚 之後就可以按喜好再加肉 我個人就幾滿意英國精選牛仔骨同埋厚切牛舌👅 仲有個韓式梨汁牛五花 呢碟雖然肥啲 但係個醬料甜甜地 令人好想食完一嚿再一嚿 加上較薄身 真係好快就燒完 可以食🐮由於都係主攻牛肉 豬肉同雞肉都係嗌咗少少試吓佢 豬頸肉 燒到外脆內軟好好食😋 青檸雞扒 上碟好大塊 可以用枱上嘅較剪切細✂️ 海鮮魷魚 虎蝦 蜆 廣島蠔 最推介係虎蝦 因為肉質好彈牙🦐 一嗌會有4隻 另外廣島蠔都唔錯👍🏻甜品棉花糖 冇諗過燒肉放題都有得食 燒到外脆內軟好正🍬 Brownie 係自助吧夾嘅 有nut
今日嚟咗位於旺角鬧市嘅一間人氣燒肉店 主打無煙燒肉☺️ 我地嗌咗個Supreme set 包咗餐牌上面B C D嘅項目 仲有店鋪自家製梳打任飲🥤
肉類 飲品等係用QR code落單嘅 方便易用 出面仲有自助吧位置 可以拎炸物 蔬菜同甜品🍮
炸物
粟米炸雞塊 薯條🍟兩樣都係自助吧夾嘅 比較特別嘅係粟米炸雞塊外層係用粟米片炸㗎😮
蔬菜
翠玉瓜 茄子 粟米 雞肶菇 冬菇 牛油雜菇🧈 有啲係自助吧夾嘅 有啲係落單嘅 我就鍾意牛油雜菇喇 邪惡得嚟又真係好吸引
肉類
全牛拼盤 幾欣賞佢一開始就上拼盤同牛五花 等我地樣樣都試到😚 之後就可以按喜好再加肉 我個人就幾滿意英國精選牛仔骨同埋厚切牛舌👅 仲有個韓式梨汁牛五花 呢碟雖然肥啲 但係個醬料甜甜地 令人好想食完一嚿再一嚿 加上較薄身 真係好快就燒完 可以食🐮
由於都係主攻牛肉 豬肉同雞肉都係嗌咗少少試吓佢 豬頸肉 燒到外脆內軟好好食😋 青檸雞扒 上碟好大塊 可以用枱上嘅較剪切細✂️
海鮮
魷魚 虎蝦 蜆 廣島蠔 最推介係虎蝦 因為肉質好彈牙🦐 一嗌會有4隻 另外廣島蠔都唔錯👍🏻
甜品
棉花糖 冇諗過燒肉放題都有得食 燒到外脆內軟好正🍬 Brownie 係自助吧夾嘅 有nuts係入面 所以口感幾豐富🍫
飲品
放題仲包咗任飲嘅汽水同梳打 汽水係罐裝上 幾衛生 梳打味道都幾fresh 啱晒食燒肉嘅時候飲🤣 我試咗青檸梳打同埋菠蘿梳打🍍 兩款都唔會太甜 的確唔錯
食完真係完全唔會比啲熱煙吹住 塊面冇食到熱辣辣😎 最緊要係唔會成身燒烤味 臭到身邊嗰個吖嘛 食飽又可以繼續喺朗豪坊行街啦😉
張貼
