百芳池上便當 (活@KCC)

營業中

休息中

依間食過好多次 因為覺得好好味 葵興呢間分店午市期間 長期勁多人排隊 店舖位又唔多 所以大部分上班族 學生們 都會揀外賣。百芳豬扒便當$61 個人最愛 雖然一d都唔脆 但係佢 好香 好入味 肉質又鬆軟 都算大件 成個便盒 配料滿滿 有粉絲 粟米肉粒  菜脯 椰菜 半隻滷蛋 非常可口 值得一試 台式鹽酥雞便當$61依個係第一次叫既 都唔錯 有九層塔味 皮薄肉嫩 幾香口 有肉汁 唔算太乾 份量都OK滷肉飯便當$55半肥瘦 同樣係煮到好入味  唔會好淋 配埋好好味嘅醬汁 甜甜咸咸地 好有台灣風味 整體都唔錯 慢滷豬手飯$63豬手滷得好入味  肉質夠軟糯 而且仲好多舊  食完好飽 好滿足*加台式飲品會減8蚊 *送既紅茶、綠茶、烏龍茶都係麻麻地 題外話：店舖午市太忙，工作有點混亂，有頻繁送錯餐飲情況。環境比較細，枱與枱之間，間距近，清晰會聽到隔離客人傾計。