海饌 - 海鮮牛扒餐廳 (Fashion Walk) (已結業)

收費同服務就四季酒店嘅級數食物質素同份量就茶記嘅級數諗住呢間有扒食又有海鮮食就尼試下，門口見到餐廳環境系幾靚幾好氣氛，服務系幾好嘅。不過價錢真系離地到有d誇張...第一碟上嘅青口已經嚇Q死...粒肉細到幾乎睇唔到仲要差唔多隻隻都系咁🙂佢個汁就正常啦不過偏咸...第二碟上嘅系牛扒就更加慘不忍睹...叫5成熟就比7成熟🫠我都算...塊牛仲要非常乾柴到無任何肉汁同牛味可言🥲反而個蒜頭竟然仲好食過塊扒...問你死未🙃第三碟上嘅系大蝦海鮮飯，三個菜入面呢個味道最正常，至少個份量睇落都叫正常d，飯粒偏硬身同個汁都有d辣但非常入味，所以呢個勉強合格🫣如果睇到呢篇食評嘅你系呢間餐廳嘅老闆或者負責人，我希望你做兩樣野；一系你炒哂廚房入面煮野嘅員工，一系你將全部菜色嘅價錢減一半，咁先對得住d食物，對得住d客，對得自己良心...雖然咁講好刻薄，但如果你真心想做生意我希望你真系要改下🙏🏻