神虎麺商店

營業中

休息中

如果喺香港食拉麵喺我心目中第一位應該都係佢，神虎麵商店！由第一次食過嘅海虎拉麵之後每次嚟都冇變過，次次都淨係食海虎拉麵，不過就一定要食精選，因為精選會有一條豬腩肉，就係因為呢條豬腩肉，我愛上左呢間拉麵店，所以其實係我心目中第一位嘅應該係呢間店嘅豬腩肉，哈哈！如果講到個湯底海虎其實就係蝦湯，蝦味非常濃郁，好夠味，不過我就冇辦法飲晒佢，因為飲晒你會覺得好鹹，伴拉麵一齊食就啱啱好。至於拉麵嘅質地，我一直都覺得麻麻哋，唔知點解佢嘅拉麵嘅質地係冇一種滑嘅感覺，不過條豬藍玉真係無敵！完全可以蓋過任何缺點，哈哈！呢度嘅餃子係用西班牙嘅豬肉做，每次食親佢哋嘅餃子，都一定噴汁！