金船長餐廳 (已結業)

已經唔係第一次去金船長！因為佢地個得獎作實在太好食喇！「黑松露菌醬意式馬斯卡普芝士夾心薄餅」食過一次就愛上，其他地方真係食唔到！一份黑松露菌醬意式馬斯卡普芝士夾心薄餅有4件！上面啲粉全部都係芝士粉嚟㗎！入面就有黑松露！多士烘到脆一脆！芝士同松露味一樣咁濃！真係香而不膩！佢會配埋個葡萄醋，想濕少少可以沾啲嚟食，淨係個醋都好好味！另外叫咗兩樣主食！金船長芝士漢堡包 配 粗薯條漢堡扒都幾厚，有肉汁不過啲菜令個包底濕咗少少，相比之下，都係松露多士好好多！蜜糖慢煮烤豬手配蜜糖燒汁好大份！煮得好林去入味！啲肉一切就鬆開晒～！啲汁甜甜地好好食，同平時嘅德國豬手好唔同！因為食落唔會咁乾，好易食晒成隻好健康嘅牛油果奶昔，奶昔落足料，入口好香好滑，所以都幾飽肚！不過如果當飲品就會唔多解喝最後到甜品，叫咗金船長梳乎厘，唔洗加煉奶都已經好香甜，細細個入口鬆鬆咁，即使食飽都唔怕