影片
更多
2019-04-19
21 瀏覽
常餐絕對係香港人其中一樣最愛既食品，又方便又飽肚，而且周街都會搵倒一間茶記喺附近。不過好食既常餐就唔係周圍有，坊間都有小數幾間出名食常餐既餐廳，呢間民華餐廳都係我既至愛之一。呢間餐廳主打食常餐同點心蒸飯，近年來仲加多左新食品，好似係咖喱飯同潮式湯麵，不過我依然係每次黎都食常餐。常餐必備有通粉，炒蛋同埋牛油多士!呢度粉麵有普通上湯湯底，蕃茄湯同薑絲湯，配料就可以揀牛肉，叉燒或者火腿。我個人比較專一，每次都係揀蕃茄湯底，湯底好濃郁，仲有一舊舊新鮮蕃茄，通粉生熟度亦剛好，保留嚼口。叉燒有用特製調味醃製過，非常有心思。炒蛋留有蛋漿，令口感更滑溜。牛油多士烘至面層微脆。至於牛肉都好新鮮，入口滑身。另外仲叫左西多士，一黎到就見倒西多士係炸成金黃色好吸引而且好厚身，餐廳仲好細心將西多士切成一口大細。配埋牛油同糖漿，面層好脆，食落好鬆軟！好滿足啊
呢間餐廳主打食常餐同點心蒸飯，近年來仲加多左新食品，好似係咖喱飯同潮式湯麵，不過我依然係每次黎都食常餐。
常餐必備有通粉，炒蛋同埋牛油多士!呢度粉麵有普通上湯湯底，蕃茄湯同薑絲湯，配料就可以揀牛肉，叉燒或者火腿。我個人比較專一，每次都係揀蕃茄湯底，湯底好濃郁，仲有一舊舊新鮮蕃茄，通粉生熟度亦剛好，保留嚼口。叉燒有用特製調味醃製過，非常有心思。炒蛋留有蛋漿，令口感更滑溜。牛油多士烘至面層微脆。至於牛肉都好新鮮，入口滑身。
另外仲叫左西多士，一黎到就見倒西多士係炸成金黃色好吸引而且好厚身，餐廳仲好細心將西多士切成一口大細。配埋牛油同糖漿，面層好脆，食落好鬆軟！
好滿足啊
張貼
