牛摩+ (沙田中心) (已結業)

老公無啦啦話想打邊爐，本來我想簡簡單單食個飯，最後就去咗呢間餐廳，一個價錢任食嘅火鍋放題，我哋叫咗一個豚肉、一個牛肉，我叫咗壽喜燒湯底，老公叫咗麻辣湯底，之後我哋仲拎咗好多菜丸等等，味道都唔錯㗎，特別係墨魚丸同貢丸，老公話鍾意我個湯底多啲，我唔識得辣就無試佢嗰個啦，仲有值得一提嘅係佢嘅醬料，有好多柚子醬，都幾特別另外比較驚喜嘅就係個雪糕，我本身唔係好鍾意食朱古力味雪糕，但係我有覺得幾好食，奶味好濃，又有朱古力味，食飽都可以再食，哈哈