凡直友里

營業中

休息中

前兩日經過屋企樓下，見到樓下餐廳戶外有感覺勁chill, 諗住試下佢既晚餐，晚餐既餐湯：蕃茄梳打湯超濃郁既蕃茄湯，酸酸甜甜開胃一流烤西班牙100%杜洛克黑毛豬扒配蜜桃燒汁薯菜 $188大大塊既黑毛豬扒煮到7成熟，口感岩岩好，食落口每一啖滿滿既豬油香味，配埋酸酸地蜜桃燒汁一齊食，唔會好油膩，另外伴碟嘅薯菜份量亦十分多，而且好新鮮！烤焗開心果寳雲蘇澳洲羊架輕蔬/日本甜薯 $348媽咪最鍾意食嘅羊架，買相十分吸引，羊架外層包滿一粒粒開心果碎，食落口甜甜地口感少少脆，侍應建議羊架煮到五成熟最好，果然入口肉質鮮嫩，伴碟薯菜同樣份量十足，性價比勁高，仲有我最鍾意嘅日本甜蕃薯。餐廳仲有好多特色cocktail，唔飲酒嘅我哋叫咗兩杯特飲西柚檸檬特飲 $60同熱情果檸檬特飲 $60, 酸酸甜甜仲有氣泡，岩晒夏天消暑飲。