影片
更多
2018-05-07
451 瀏覽
我可以話係無印cafe嘅忠實粉絲♡佢每一季新品我都會食成日都食 食得太多相都懶得影🤣可能有人會覺得依間野好貴但係我認為食材新鮮係值得貴就好似你會寧願買貴啲 買啲有機嘅菜咁 無印最大嘅特點就係 佢會全部選用好靚好新鮮、當季嘅食材去煮 每次去食都有一種享受人生 對自己嘅身體健康啲嘅感覺 （但係健康得黎好好食） 你係食得出佢嗰種鮮味 同出面啲餐廳係唔同我覺得同去酒店high tea嘅嗰種享受程度差唔多我最常order係五品料理因為可以試好多野依度就係我俾大家嘅提示，因為唔係樣樣野都好食，有時有啲我覺得都伏伏地，不過如果大家識揀就可以食到一餐好高級嘅午餐！★依啲係我認為必食：🤤🤤1. 比目魚 （熱盤）甘香軟滑，油脂香好出，撈飯勁好味2. 玉子 （冷盤）清甜refresh，每季都會撈唔同料入個玉子3. 番薯蓉沙律（冷盤）香甜，調味出位4. 豆腐菠菜（冷盤）調味出色★伏：1. 槐花蜜系列嘅所有菜式（冷盤）隻蜜糖同啲食物唔夾 個味道好奇怪2. 有帶子嘅沙律（冷盤）腥3. 望落乾同冇咩汁嘅肉類（熱盤）如題 同望落一樣真係乾★不過不失：1. 焗薯批（熱盤）2. 炸雞（熱盤）必叫嘅嘢飲 一定係士多啤梨果醋
佢每一季新品我都會食
成日都食 食得太多相都懶得影🤣
可能有人會覺得依間野好貴
但係我認為食材新鮮係值得貴
就好似你會寧願買貴啲 買啲有機嘅菜咁
無印最大嘅特點就係
佢會全部選用好靚好新鮮、當季嘅食材去煮
每次去食都有一種享受人生 對自己嘅身體健康啲嘅感覺 （但係健康得黎好好食）
你係食得出佢嗰種鮮味 同出面啲餐廳係唔同
我覺得同去酒店high tea嘅嗰種享受程度差唔多
我最常order係五品料理因為可以試好多野
五品料理
53 瀏覽
0 讚好
0 留言
依度就係我俾大家嘅提示，因為唔係樣樣野都好食，有時有啲我覺得都伏伏地，不過如果大家識揀就可以食到一餐好高級嘅午餐！
★依啲係我認為必食：🤤🤤
1. 比目魚 （熱盤）
甘香軟滑，油脂香好出，撈飯勁好味
2. 玉子 （冷盤）
清甜refresh，每季都會撈唔同料入個玉子
3. 番薯蓉沙律（冷盤）
香甜，調味出位
4. 豆腐菠菜（冷盤）
調味出色
★伏：
1. 槐花蜜系列嘅所有菜式（冷盤）
隻蜜糖同啲食物唔夾 個味道好奇怪
2. 有帶子嘅沙律（冷盤）
腥
3. 望落乾同冇咩汁嘅肉類（熱盤）
如題 同望落一樣真係乾
★不過不失：
1. 焗薯批（熱盤）
2. 炸雞（熱盤）
必叫嘅嘢飲 一定係士多啤梨果醋🍓🍓
佢係散發平時食韓國士多啤梨味嗰種清香甜味
飲過會返唔到轉頭
記得一定要跟五穀飯，好好味架🍚
張貼
