影片
更多
2015-08-09
2423 瀏覽
離晒譜，食完背脊骨落！！7月22響fb話新開張有9折，8月2日去已經無喇，停左9折優惠又唔講，做得果兩星期fb仲置頂等人以為仲有。。。明明同門口姐姐講食$159，無啦啦埋單計我$189，同經理理論，仲話係聽到$189，比啲牛我都係$189既牛，大佬，你比咩我就食咩架啦，我點分你係幾錢牛呀，好我算，食既時候嗌牛又唔黎，6個成年人一開始有6盤，食完再嗌幾次等左20分鐘先好似施捨咁話比3盤我地，仲話啲牛要切所以要等，假日繁忙時段限食90分鐘你仲手切肥牛呀？啲牛係咪唔洗煮唔洗等？叫加湯又無人理，乾到要不停搞驚佢癡鑊底添呀。最好笑係走既時候我地發現原來食$189係有指定海鮮任食，我地成餐一舊海鮮都無食過！！仲話我地係$189？ 癡癡地，入去同經理再講過，佢仲話開返個爐比我地食過海鮮，食完走得都飽啦！叫我地再食有乜用呀！食咁多次牛都未試過咁激氣服務咁差，以後唔會再去，依家通街都任食牛都唔洗食你啦！離譜
7月22響fb話新開張有9折，8月2日去已經無喇，停左9折優惠又唔講，做得果兩星期fb仲置頂等人以為仲有。。。
明明同門口姐姐講食$159，無啦啦埋單計我$189，同經理理論，仲話係聽到$189，比啲牛我都係$189既牛，大佬，你比咩我就食咩架啦，我點分你係幾錢牛呀，好我算，食既時候嗌牛又唔黎，6個成年人一開始有6盤，食完再嗌幾次等左20分鐘先好似施捨咁話比3盤我地，仲話啲牛要切所以要等，假日繁忙時段限食90分鐘你仲手切肥牛呀？啲牛係咪唔洗煮唔洗等？叫加湯又無人理，乾到要不停搞驚佢癡鑊底添呀。
最好笑係走既時候我地發現原來食$189係有指定海鮮任食，我地成餐一舊海鮮都無食過！！仲話我地係$189？ 癡癡地，入去同經理再講過，佢仲話開返個爐比我地食過海鮮，食完走得都飽啦！叫我地再食有乜用呀！
食咁多次牛都未試過咁激氣服務咁差，以後唔會再去，依家通街都任食牛都唔洗食你啦！離譜
張貼