火鍋本色 (已結業)

二人點咗以下食物：蕃茄豬骨湯拼金銀菜白肺湯底，手切肥牛，豬夏青，脆肉鯇，豆腐，唐生菜，什菇，四寶丸。肥牛同豬夏青係幾好食嘅，起碼覺得新鮮淥完亦唔會'鞋'，四寶丸亦唔錯大大粒，但其他都係普通嘢。埋單七百幾蚊就貴咗啲喇，好彩九點後入座有六折，不過折咗都要五百幾蚊。不過錢銀都係事少，服務態度最緊要。 以下就要講無下次嘅原因：1. 九點半後入座，餐廳得嗰幾枱客。入到去企喺度無人理我哋，但當時有幾個伙計就企喺收銀吹水。2. 明明有四、五個staff, 但淨係行來行去 （當時連埋我哋只得兩枱客），我哋個湯㡳乾晒塘都無人加水，要叫先加。3. 入座後擺底嘅嗰杯茶，之後全程無人加過，又係要叫先添。4. 牙簽，當然亦係叫先有啦。5. 埋單同埋走時多謝都無句 （其實，去到呢個位我無理由仲對佢哋有任何希望吖）總之無下次。講完。