影片
更多
2004-07-25
6 瀏覽
難得有一晚完全空閒，自己一個去油尖旺行下，諗起之前有食家對這裡的焗排骨飯有點意見分歧，不如就來試試究竟係米差左。七時多來到，爬上那條長長的樓梯上閣樓，都有四、五檯客。選了一個靠窗的位置，望著五光十色、人來人往的榕樹頭，確係幾正的另類夜景。美都亦十年如一日，那個「for display only」的收銀機、直角卡位、舊式痰罐及那些可作文化遺產的紙皮石牆。叫了焗排骨飯同涷菜蜜，專登望住隻錶，今次十分鐘唔使就有得食。但見個店小二用隻鐵匙羹將焗飯撥落隻碟度，似乎唔使好高技巧至做得到。看這個焗排骨飯，又好似不大對頭，「炒飯」及「焗排骨+西汁」是各據一方，互不相干，咁其實呢個飯唔需要拿去焗，就咁將兩者加埋效果都會差不多。雖然個飯一定是焗過的，但全無焗飯的效果，是有點「有實無型」，都幾特別。排骨似平時吃過的咕嚕肉，是走過油的，應該一早做定，因為幾「死實實」，有骨卻無肉味。吃到這裡也不禁有點失望，似乎以前啖啖肉好味的排骨是一去不再了；西汁不鹹不酸不甜，拿來撈飯都唔得，而炸過的排骨粒「圍」上這個杰汁，是雪上加霜；炒飯份量多，炒得乾身又不油，廚房還可拿點功架出來，不過同個焗飯的整體評分幫助不大。埋單55蚊
七時多來到，爬上那條長長的樓梯上閣樓，都有四、五檯客。選了一個靠窗的位置，望著五光十色、人來人往的榕樹頭，確係幾正的另類夜景。美都亦十年如一日，那個「for display only」的收銀機、直角卡位、舊式痰罐及那些可作文化遺產的紙皮石牆。
叫了焗排骨飯同涷菜蜜，專登望住隻錶，今次十分鐘唔使就有得食。但見個店小二用隻鐵匙羹將焗飯撥落隻碟度，似乎唔使好高技巧至做得到。看這個焗排骨飯，又好似不大對頭，「炒飯」及「焗排骨+西汁」是各據一方，互不相干，咁其實呢個飯唔需要拿去焗，就咁將兩者加埋效果都會差不多。雖然個飯一定是焗過的，但全無焗飯的效果，是有點「有實無型」，都幾特別。
排骨似平時吃過的咕嚕肉，是走過油的，應該一早做定，因為幾「死實實」，有骨卻無肉味。吃到這裡也不禁有點失望，似乎以前啖啖肉好味的排骨是一去不再了；西汁不鹹不酸不甜，拿來撈飯都唔得，而炸過的排骨粒「圍」上這個杰汁，是雪上加霜；
炒飯份量多，炒得乾身又不油，廚房還可拿點功架出來，不過同個焗飯的整體評分幫助不大。
埋單55蚊，以食物水準來說當然唔抵，睇怕都係最後一次來。容許我講句，一哥豬扒飯可能會好一點。
諗落這裡也不是全無賣點的，起碼也可讓時下的年青人知道什麼是老式茶餐廳，唔使日日老麥家鄉雞。
呢度仲可以做幾耐真係唔敢講，但呢個焗飯的水準差左就係事實。
張貼