Pizza Piazza (已結業)

之前食過呢間嘅Pizza，覺得幾好食。今次就嚟試吓佢嘅牛扒。澳洲草飼肉眼扒 $178塊肉眼扒大大塊，跟薯條沙律菜，醬汁方便就有芥末同茄汁。睇塊扒嘅燒焦紋路，係用有坑紋嘅鑊煎。因為唔係成塊棒嘅表面接觸到平底鑊，所以外皮唔會太乾柴。要咗五成熟，廚師嘅手勢幾好，所以jing嘅生熟程度剛好。外表焦香，入面仲保留住肉汁。牛肉味都重，應該係真材實料嘅澳洲牛。跟嘅係幼身薯條，炸到金黃色，好香脆。店家好細心，將茄汁分開放，就唔會令到薯條變冧。