渝痴漁醉

營業中

休息中

食烤魚真系愈黎愈盛行，記番起之前北上食烤魚都成為過一陣熱潮，本身喺香港都好似冇乜地方可以食到烤魚，呢家就好似愈黎愈多餐廳有得食烤魚🐟講到其中一間出名嘅少不了呢間「渝痴漁醉」，仲要系銅鑼灣嘅當旺位置——金百利廣場，系正SOGO對面。呢家做緊一個雞煲同埋烤魚放題，6點前離座$88/位，6:00後離座都系講緊$128/位咋，勁抵玩🤩有多款水煮魚同埋烤魚供客人選擇，魚類就有幾款，味道就有分好多款，吾辣嘅有酸菜、蒜香，辣嘅有招牌豆花、花椒、麻辣、泡椒，辣味嘅元素同樣豐富，不過要睇自己食吾食得辣🥵各款配料都可以喺出面拎，種類都幾多，大致上就同一般嘅火鍋店配料差吾多，有豆干、豆卜、魚腐、芝士丸、肥牛等等。芝士丸入面嘅芝士甜甜哋好味😋豆卜同豆干浸埋辣油好惹味，同時一食路食一路都咇啲辣油出黎🔥漁翁招牌豆花烤魚系呢度嘅招牌菜，已經系叫小辣，表面嘅辣椒🌶️都幾多🙉🙀仲有週邊嘅辣油，我地揀咗清江魚，一舊舊好實在，平時食魚最驚啲魚會好碎，呢度絕對冇呢個問題。