川大哥

營業中

休息中

我哋全家都鍾意食川菜 今日經過深水埗誤打誤撞試下呢間四川烤魚 烤魚呢度有幾款唔同嘅魚揀 而我哋揀咗江團魚 煮法同樣有好幾種 香辣/水煮/酸菜煮/青藤椒煮 我哋就揀咗特別啲嘅青藤椒煮魚鍋 呢種煮法可以食到辣椒嘅麻香味 但又唔會搶曬啲魚味 條魚都算大條而且厚肉 食完魚仲可以用返同一個湯底打邊爐 我哋簡簡單單叫咗幾款邊爐料 包括萵筍 鮮蝦雲吞 出前一丁等除此左烤魚之外 我哋仲試咗去啲串燒 燒五花腩/雞中翼/豬頸肉全部都好夠香料味 好香口 用黎送啤酒一流另外小菜叫咗個辣子雞丁 上菜時器皿底部帶埋蠟燭仔保持熱度 大量辣椒伴炒走過油嘅雞肉 都幾惹味呢度冇包飲品 亦冇免費水提供 所以我哋都叫咗啤酒啤一啤去 一枝大青島唔算貴 二三十蚊夠曬冰凍