小魚兒 (富麗花園) (已結業)

將軍澳朋友今次有好介紹！！🥰👍🏻就響寶琳站附近有間食烤魚嘅叫《小魚兒》～原來係<大眾點評>必吃榜！！今晚放工就去試下啦！一行四人真係好可以食多啲嘢😚叫咗個雞煲，因為朋友唔太食得辣，所有嘢都只可以叫bb辣…🥴好彩佢唔同菜式都可以揀辣度，同埋佢分咗唔辣…bb辣…小辣…中辣同大辣，連麻都可以揀，好細心！！🥰👍🏻我地點咗一個烤魚，佢有四款魚可以揀，因為之前食過江團魚，鍾意佢冇細骨又夠綿滑，所以再試多次！！我地仲叫咗一啲配菜用嚟打邊爐：一個黃金拼盤，有金菇、蓮藕片、土豆片同海帶結。打邊爐又點可以冇萵筍同埋我最鍾意嘅小雲耳？仲叫咗個風琴豆腐嚟索湯！🤭😋🤣佢個烤魚可以加唔同味道嘅豆腐花，我哋揀咗蒜香豆花真係好香蒜蓉味！🥰👍🏻跟住叫咗個雞煲，雖然冇叫辣，但係我加多咗芫茜，煲滾之後香氣四溢，雞肉非常嫩滑，而且好入味，好快就食曬添！！江團魚真係啖啖肉…不過我都係鍾意吮骨頭，所以差不多成棚魚骨俾我食曬！！🤭🤣佢個烤魚鍋落咗好多鮮花椒串，所以麻香四溢，齒頰留香！要一讚～店員服務非常周到！會畀建議你，又有禮貌，佢話原來響社交平台訂枱有優惠㗎～下次有機會帶老細嚟試下先！！🥰👍🏻💞