Dodam Chicken (利舞臺廣場)

營業中

休息中

同丫女係銅鑼灣做完Facial後, 帶咗我去利舞台Dodam Chicken食韓國野。平日晚餐廳都全場爆滿, 什有人氣。Menu款式選擇多, 炸雞、烤雞都有供應, 另外仲有韓國特色小食, 例如年糕、韓式pizza、魚糕湯、人參雞、牛骨湯等等….揀咗雙併食烤雞, 一次過滿足兩個口味。烤雞皮微脆焦香, 一咬落去, 內裡juicy, 肉質嫩滑, 每款口味嘅雞都為半隻雞嘅份量, 白雪芝士雞: 烤雞面灑上鹹甜芝士粉, 邪惡美味。蜂蜜牛油香蒜焗烤雞: 表面加咗牛油蜂蜜汁同埋蒜蓉, 很惹味。芝士雞蛋卷: 丫女話對比上年黎食, 蛋卷size細咗, 一切開, 流心芝士湧出, 雞蛋卷有淡淡蛋香, 芝士口感綿密, 夾集面層蟹籽, 很有層次。