Goobne Chicken (M88) (已結業)

今日唔想飲茶，同啲小朋友想食下其他嘢，但又怕難搵位，咁啱見到中環呢一間可以訂位，咁就決定去呢間試吓。叫咗個蒜香烤雞拼甜辣烤雞，小朋友就好鍾意食蒜香烤雞，覺得好好味，皮夠脆，少少甜好好味。我就覺得雞肉未夠入味，可能有骨嘅關係，因為之前試過食無骨係入味好多嘅。牛肉炒粉絲都幾好食，上枱時都夠熱，小朋友都鍾意食。最後再叫咗蟹籽沙律芝士雞蛋卷，呢個係成個午餐裏便最好食嘅，免頭鋪滿好多蟹籽，芝士係旦卷裏便係流心狀態，好好食。