Bingle Bingle 空中列車烤肉

營業中

休息中

“列車已到xx站，請落車”，這是搭高鐵，搭動車，搭火車，搭地鐵，搭輕鐵經常會聽到的語言訊息。今次係食物到站，請取食物，好好玩，你會鍾意嗎？我超級鍾意囉，有得食又咁好玩，除咗呢家，仲有冇第二間呢？知道嘅話話我知，唔該👋呢間就係位於四小龍之一的碧海藍天AEON超級巿場裡邊的“Bingle Bingle 空中列車烤肉”餐廳。“烤肉引力，火力全開”係小列車上的slogan，點咗嘢食之後就坐喺度欣賞列車的運行......“人氣牛肉三拼套餐”其中牛肉三拼係“牛五花”、“肩胛牛”和“牛小排”，而精選在牛胸前肋脊部的第6節至第8節的牛小排，肉質較結實，豐富油脂，配唔配醬汁都一樣好味，反而配埋“溫泉蛋紫菜飯”非常之滋味。淨係食肉好似爭啲嘢，點埋“日本大扇貝”和“海蝦”，落埋海鹽燒，超正。“車輪泡菜五花豬肉卷”呢個餐有靚靚花豬肉好吸引，“雞脾菇”燒完都好juicy，唔錯。“日本甜番薯”和"日本紅豆味鯛魚燒"係小食亦係甜品，記住鯛魚燒不要燒太耐，以免燒燶😁😁