一鍋堂 (XX Arcade) (已結業)

市面上好多打邊爐專門店，今次揀咗一鍋堂，完全冇後悔，值回票價！同男朋友2個，叫左個鴛鴦湯底，一個係蕃茄牛粒湯，一個係冬陰公湯。送個湯底嚟嘅時候，已經聞到一陣好香嘅冬陰公湯味，兩個湯都好濃，仲要d牛肉粒真係大大粒，而且仲有唔少數量，湯底10分足料！等嘢食嘅時候，就用手機app落單，好方便！一鍋堂嘅飲品，除咗罐裝飲品可以選擇，就係有我最鍾意飲嘅冰糖燉檸檬，第一次打邊爐有得揀呢種飲品，啱晒平時要用聲嘅我。佢仲有洛神花茶，木墩果茶可以揀，仲好貼心咁寫清楚邊類人士唔飲得添，呢三種飲品都係自家製，真係佢先有。到咗食物方面，佢嘅選料都比較特別，我哋叫咗手打孜然雞丸，芥末魚皮餃，呢啲都係自家製的，出邊食唔到！仲有佢有幾款海鮮可以揀， 啲海蝦真係好肥好大隻，仲啖啖肉！肙埋佢有花膠可以叫，回哂本！最後佢嘅甜品都係冇得輸，除咗乳酪之外，佢仲有唔同嘅甜點，細細份，唔會太飽！總體來講，食物質素高質，環境舒服，點餐都好快嚟到，食物種類又多，真係好正！