屋子生活 (已結業)

依間位於烏溪沙站隔離嘅屋子生活，一出烏溪沙站行三分鐘都唔洗就會見到依間落地大玻璃嘅cafe。室內以日式木裝飾為主，可以揀位普通枱凳位，如果想影相靚啲，可以揀除鞋坐窗邊嘅塌塌米位。南蠻雞唐揚配醬油蛋拌飯 🐥🐥南蠻炸雞配蛋黃醬絕對係好夾，炸雞唔會好乾仲有肉汁。鮭魚味噌烤配烏龍麵 🐠🐠鮭魚好有住家飯嘅感覺，煎到個皮有少少燶同脆，配飯會更加夾。紫蘇醬油拌豆腐 🥗🥗大板醬烤薯條 🍟🍟玄米茶戚風 🧁🧁甜品係必食item, 玄米茶味好濃，戚風蛋糕好濕潤鬆軟，配埋奶油同提子，成個食曬都唔會覺得膩。😋😋黑糖珍珠牛奶 🧋🧋原本以為係最普通嘅飲品，但係估唔到佢嘅黑糖味好香，值得一試。焙茶牛奶 🍵🍵焙茶味好足，不過就有少少蓋過左啲牛奶味。蔓越莓蜜柑汁 🍷🍷期間限定嘅飲品，漸層嘅粉紅色，好夾打卡，飲落酸酸甜甜，解膩一流。週末想三五知己搵個地方hea下吹下水，依間cafe絕對係一個好選擇。😎😎😎