瑞士咖啡室

營業中

休息中

今日提早放工去覆診，喺無論甚麼時間都咁多人嘅中環真係唔知食咩好，好多地方見你一食完就好似想趕你走咁，呀……1俾我諗到喇，就係瑞士咖啡室，因為我一個人所以比較好揾位，可以試下傳聞中嘅瑞士雞翼，一走進瑞士咖啡室就有種很懷舊嘅感覺，牆壁，地磚，枱櫈同埋周圍嘅擺設都很懷舊，連d伙計都比較年長，至於服務就係冇乜服務，今次係第一次幫襯，試咗個叫“瑞士雞翼常餐”，其實見佢menu都仲有好多選擇厚多士很鬆軟不錯，不過個蛋就係普通蛋囉冇特別，同埋我覺得煎得太熟冇乜蛋汁主角出場喇，4隻大大嘅雞翼，煮得剛好不會太淋，瑞士汁嘅味道ok不過可以再重味些小最後盛惠52蚊，價錢都算合理