李家 (山林道)

營業中

休息中

屈係屋企太耐，星期六要出去輕鬆下，食下我最愛的韓國菜先得，今次同友人來到李家， 李家的味道正宗份量又大我地兩人都食唔哂呀！先講講佢的配菜，沙律醬配椰菜絲，雪凍了的椰菜絲好鮮甜，另一配菜係酸蘿蔔，食完炸雞，食一件清清口腔再食其他食物超開胃。天氣太凍，我和友人都決定叫返個魚餅湯暖暖個胃， 魚片，魚餅份量好多，加左小小大豆芽，魚片吸收哂湯幾鮮甜 ，湯底唔會過咸，忍唔住都飲左一碗。之後緊係叫我地最愛的泡菜煎餅和炸雞啦！我都唔明係屋企整極都整唔到韓國人煎的泡菜煎餅咁好食的，所以去親韓國餐廳我都會叫返碟，呢到份量都幾大，材料又足， 煎得夠香脆大愛呀！ 炸雞我選擇左無骨果款，因貪佢啖啖肉，炸雞外層炸漿夠薄，內裡肉質夠滑，配以佢地的甜辣醬夠哂正，一份炸雞份量都幾多，我地都食唔哂，遲d 2人限聚令後，一定要叫fd 一齊share 食先可以叫多d 款式野食食。