丼吉日式吉列豬排專門店 (世貿中心)

營業中

休息中

朋友話依既炸物好好食，咁岩同佢出黎行街,又見順路當然要黎試下。入到去坐低,佢依到個環境都算好舒服,佢D卡位仲有得落簾,私隱度真係十足,擺設都算幾日式。由於我同朋友都幾肚餓,一開始就叫左吉列大蝦豬扒定食,豬扒蠔定食另外再加埋車海老大蝦。首先佢個吉列大蝦、豬扒同埋蠔定食,其實依到做既炸粉好出色,外脆當然好,炸物食落又唔會太油膩,出面有D非常油膩,見到都無食慾。本來都幾鍾意吉列食物,不過係出面試過好多吉列,D炸粉硬到我好失望,不過依到既炸粉夠哂鬆軟,又能夠保持到鬆脆既口感,真係抵讚!而且炸蝦、炸豬扒同炸蠔都很食落都仲有好多肉,肉質夠哂實,不過又保持到鮮嫩,食落又有口感!海老車大蝦係我自己推介,真係好大隻蝦,足足有半隻碟咁長,車海老大蝦咬落去啖啖肉,十分滿足,當然係唔油膩,最後飲埋巨峰提子梳打加西瓜,巨峰提子梳打係出面飲開既都驚佢有藥水味,夠晒清再加埋西瓜中和番就岩岩好。