忠孝東路

營業中

休息中

今日係油尖旺區打躉，午飯->睇Pet pet 當家 2->晚飯都係呢度！入到呢間，被安排一張二人座嘅枱，店員放一個放袋嘅籃子係枱下，等大家食得舒服啲！叫左兩個主菜同一個小食開心share！香蒜大葱芝麻雞撈麵 ($63)呢個有雞絲、青瓜絲、葱絲同麻醬係面，底有撈麵，食完第一口嘅感覺係熱嘅雞絲粉皮味嘅撈麵！料足，味道都唔錯，撈埋每條麵都掛上麻醬，share食完全唔覺得膩！香酥排骨蛋炒飯 ($78)排骨煎得好香，仲要配炒飯底，呢個組合比較少見！不過略嫌排骨乾身左少少，如果有個汁點就更好！香炸蝦丸 ($45)呢個先係驚喜位，佢係有蝦仔、魷魚同蟹子混埋一齊，異常爽口！即炸即上碟，熱呼呼冒煙架！