戀 (太子集團中心) (已結業)

早兩日約左朋友係尖沙咀食晚飯，佢話附近有間日式餐廳味道不錯，當然要搵日去食。炸牛蒡估唔到咁有驚喜，份量十足，入口脆得黎，牛蒡都帶點爽口，食兩啖已經忍唔住叫啤酒。日式炸豆腐味道無炸牛蒡咁濃，但入口都好酥脆，豆腐香滑。串燒六式拼盤，熱辣辣，裡面有牛舌、羊肉、雞翼等，個人最鍾意牛舌，入口爽彈，肉味夠濃。一夜干鹽燒花魚叫左啤酒，點都要配埋一夜干，燒得剛剛好，勁滿足。滑蛋豬扒丼依個真係唔會有得輸，滑蛋配飯勁開胃，再加埋豬扒，飽肚感十足。牛肉豆腐野菜鍋牛肉肉質細嫰，而且有大量配菜，有冬菇、芋絲、蘿蔔卡、蔬菜等，十分暖胃。佢地為左慶祝隆重開業，我地揀左生啤和熱茉莉綠茶都可以買一送一，抵到爛。