影片
更多
2022-07-12
212 瀏覽
黑布小巷終於開到嚟港島啦🎊 分店位於炮台山❤️🔥 我一直都想試佢哋嘅芝士吐司，見親啲相都望到流哂口水，今次終於可以一試🙊呢間分店只提供外賣，Menu有吐司、台式小食、滷肉飯、冷泡茶及台式茶飲💁🏻♀️三色圓糖水暫時未有提供，希望下次有得買👀❤️ 台式肉蛋芝士吐司 $53係久仰大名嘅邪惡吐司呀😈 吐司經已切開一半，店員有附上即棄膠手套，好細心💕 香烤吐司夾著兩塊豬扒+瀑布芝士+半熟流心蛋+秘製蛋黃醬🥪 一啖咬落去啲蛋汁咇哂出嚟，芝士更加係有拉絲，爆哂餡相當足料💥 香濃蛋汁沾滿整個吐司，再配上甜甜哋嘅秘製蛋黃醬及半溶芝士，鹹甜滋味☺️ 豬扒用上美國大草原穀飼豬扒🇺🇸 豬扒經過香煎後，香口惹味，薄切豬扒食起上嚟唔會好韌🐷 附近打工仔放lunch過嚟買吐司再加個小食都非常飽肚🤰🏻❤️ 古早味手工滷肉飯 $38佢嘅滷肉係用慢煮豬腩肉，肥得嚟滷得入味軟腍。秘製滷汁係偏鹹香嗰種，唔係偏甜。滷肉分量都多，食到最後都仲有滷肉送飯🍚 性價比高！❤️ 夜市蝦捲 (3條) $26蝦捲新鮮即炸，口感酥脆彈牙，餡料好足好飽滿，感覺上唔太油膩。❤️ 黑布台式香腸 (2條) $26外層嘅腸衣香脆，一咬落去多汁又香口，食落有嚼勁，
呢間分店只提供外賣，Menu有吐司、台式小食、滷肉飯、冷泡茶及台式茶飲💁🏻♀️三色圓糖水暫時未有提供，希望下次有得買👀
❤️ 台式肉蛋芝士吐司 $53
係久仰大名嘅邪惡吐司呀😈 吐司經已切開一半，店員有附上即棄膠手套，好細心💕 香烤吐司夾著兩塊豬扒+瀑布芝士+半熟流心蛋+秘製蛋黃醬🥪
一啖咬落去啲蛋汁咇哂出嚟，芝士更加係有拉絲，爆哂餡相當足料💥 香濃蛋汁沾滿整個吐司，再配上甜甜哋嘅秘製蛋黃醬及半溶芝士，鹹甜滋味☺️ 豬扒用上美國大草原穀飼豬扒🇺🇸 豬扒經過香煎後，香口惹味，薄切豬扒食起上嚟唔會好韌🐷 附近打工仔放lunch過嚟買吐司再加個小食都非常飽肚🤰🏻❤️ 古早味手工滷肉飯 $38
佢嘅滷肉係用慢煮豬腩肉，肥得嚟滷得入味軟腍。秘製滷汁係偏鹹香嗰種，唔係偏甜。滷肉分量都多，食到最後都仲有滷肉送飯🍚 性價比高！
❤️ 夜市蝦捲 (3條) $26蝦捲新鮮即炸，口感酥脆彈牙，餡料好足好飽滿，感覺上唔太油膩。
❤️ 黑布台式香腸 (2條) $26
外層嘅腸衣香脆，一咬落去多汁又香口，食落有嚼勁，無乜甜味，以鹹香味為主👀
❤️ 桂花烏龍茶 $20 & 凍頂烏龍茶 $20
選用台灣茶葉🍃 兩款茶都係無糖，清新解膩，生津止渴🥤 凍頂烏龍茶經過8個鐘低温冷泡，茶香温和，唔會過於苦澀。桂花烏龍清香優雅，飲落順口，多一份甘甜味🌼 最緊要係夠冰涼，可以消吓暑🧊餐廳推薦度：⭐️⭐️⭐️⭐️ (4/5)
終於唔洗去咁遠都食到喇🙆🏻♀️ 價錢抵食，性價比高，下次會想食佢哋嘅芋圓☺️ 雖然無得堂食，但可以行去附近東岸公園食或者拎返上office食都得😉
張貼
