肥仔銘茶餐廳

營業中

休息中

成日聽人講肥仔銘嘅熱香餅好食又抵食，難得過到嚟新蒲崗，又難得一去到就有位，本來想試下，不過實在太肚餓，驚唔夠飽，於是叫咗個 XO 粒粒炒飯。所謂粒粒，即係火腿紅腸蛋絲蔥花等全部切粒，食材雖然簡單但豐富。呢個飯嘅重點絕對係大廚嘅功夫：飯炒得勁有鑊氣，米飯粒粒分明，但又唔會太油，甚顯功架👍。至於掛帥嘅 XO 醬，反而冇想像中味道咁濃，少辣偏鹹，雖然唔係我最鍾意嘅味道，但整體嚟講，個飯係水準之上，份量亦足，唔錯。