影片
更多
2014-08-20
1505 瀏覽
又係打完波醫肚既時候, 好想食茶餐廳套餐, 於是就openrice左民華喇, 黎到門口後發現原來我之前同媽媽食過一次! 下午茶時段都幾多人, 2個人要坐卡位既一邊, 偏偏我地2個人再加2個背囊真係逼得濟, 對面既客人見我真係坐唔到, 好好人咁幫我放背囊係佢旁邊, THX! 呢度既常餐可以任配, (A)多士+(B)炒蛋+(C)通粉, 每樣揀一個盛惠$41! 自己度都幾大, 中意食咩就揀咩 每人一個常餐好似太飽, 見到有個波蘿包套餐都幾得意喎! 夾炒蛋係波蘿包入面都係第1次見!!! 所以就二話不說加個波蘿包先! 不過單叫$17, 套餐$28, 套餐杯飲品好似都唔平得幾多, 都係食個包算啦.... 常餐我地揀左多士配餐肉炒蛋+薑絲豬潤通粉, 多士香脆得黎唔油, 炒蛋亦算香滑帶點蛋漿, 蛋多士一流! 餐肉煎得偏乾, 肉質較鞋, 不過炒蛋絕對係重點!豬潤我地都覺得韌左D同偏乾, 不過湯底不錯, 有薑香味又不會太喊, 通粉亦都軟硬適中~ 呢餐呢重點絕對係呢個火腿炒蛋波蘿包! 賣相已經好吸引, 好似一隻貪食鬼咬住D蛋咁! 用刀分左一人一半, 食波蘿包當然係用手食比較有風味啦, 一路
呢度既常餐可以任配, (A)多士+(B)炒蛋+(C)通粉, 每樣揀一個盛惠$41! 自己度都幾大, 中意食咩就揀咩
每人一個常餐好似太飽, 見到有個波蘿包套餐都幾得意喎! 夾炒蛋係波蘿包入面都係第1次見!!! 所以就二話不說加個波蘿包先! 不過單叫$17, 套餐$28, 套餐杯飲品好似都唔平得幾多, 都係食個包算啦....
常餐我地揀左多士配餐肉炒蛋+薑絲豬潤通粉, 多士香脆得黎唔油, 炒蛋亦算香滑帶點蛋漿, 蛋多士一流! 餐肉煎得偏乾, 肉質較鞋, 不過炒蛋絕對係重點!豬潤我地都覺得韌左D同偏乾, 不過湯底不錯, 有薑香味又不會太喊, 通粉亦都軟硬適中~
呢餐呢重點絕對係呢個火腿炒蛋波蘿包! 賣相已經好吸引, 好似一隻貪食鬼咬住D蛋咁! 用刀分左一人一半, 食波蘿包當然係用手食比較有風味啦, 一路咬入面既蛋多到跌返出黎, 食得有得狼狽, 不過好滋味! 有皮脆既波蘿包配滑溜既炒蛋, 又係另一絕配! 其實太子旺角個頭都幾多冰室下, 而且仲幾有水準, 想食常餐既可以黎呢頭逛下, 話唔定會有驚喜!
題外話/補充資料：
卡位比較細... 坐左入去都擺唔到袋係大脾上... 要2個人逼一邊卡位真係有D辛苦...
(以上食評乃用戶個人意見 , 並不代表OpenRice之觀點。)
張貼
