八歌仙 (家樂坊) (已結業)

我同朋友都係食得之人，無肉不歡，咩都食！🙌結果俾我哋搵到一間餐廳能夠滿足到我地所有願望，就係旺角八歌仙！😽呢度唔單止坐得舒服，乾淨俐落，而且所有野都係任飲任食，無論海鮮，火鍋配料，和牛，壽司同刺身，仲可以俾你同時燒嘢食同打邊爐，簡直岩晒我地！😆😆我地食左串炸雞皮🍗，雞皮薄脆，咬落去散發啖啖雞油，正！而我地自己都燒左串雞腎🍗！雞腎爽口彈牙，食到爽爽聲！🤩🤩而呢度澳洲和牛🥓非常正！當中最讚係牛小排！質素高質，油花均勻，無論放落去燒，定放落去淥，都非常煙韌軟冧，入口即溶，我地食左好多呀！順帶一提，蕃茄龍蝦湯底同壽喜燒湯底🥣都好好味，兩者鮮味濃郁，淥完一大輪野食鮮味仲keep度！🥰不得不提係呢度既活魚刺身🐟！師父刀工十分好，每塊切得晶瑩通透，食落當然鮮甜嫩滑！😍仲有啲小食都好好食 就好似呢個麵豉湯🥣好鮮味，飲得出精心熬煮，而脆炸南瓜條🎃亦炸得香脆，同好有南瓜鮮甜味！😋