影片
更多
2022-08-03
519 瀏覽
大家都知出去食火鍋都唔平，特別係尖沙咀銅鑼灣，食得好少少無五六百都唔駛走，朋友前排問有邊間平又好，就推薦左呢間，我去試完之後，又真係好平。當然你唔好食完同我講我介紹點解無以前高流灣啲海鮮咁靚，牛肉又無方榮記好，又無和牛又無黑毛豬，丸又唔夠平時介紹個啲好，湯底又唔夠特色，以下呢間火鍋本色，你講得出火鍋底牛肉海鮮丸餃類菜炸物飲品乜都有都只係三百蚊位，你仲想點。呢個叫聚一聚套餐，四人同六人都各有唔同，睇你幾多人，但都係一句値。湯底選擇有番茄薯仔豬骨湯 ，四川麻辣湯，瑤柱火腿冬瓜湯，馬來沙嗲湯，海底椰雪梨湯，大魚頭豆腐湯，芫茜皮蛋湯，火鍋清湯，以呢個價錢，一啲都唔求其，我點了海底椰雪梨湯，同芫茜皮蛋，幾足料，又唔俾淡而無味的食材。本身四個人甘筍汁竹蔗水 / 酸梅湯任選一支，六人就各一支，而主菜本色極品手切牛同西班牙黑毛豬，二選一還是我全都要。極品手切牛唔係好大件，但都幾夠牛味，平時你街市買都未必有咁靚，西班牙黑毛豬阿媽好鐘意，食唔停。6人餐有特上海鮮拼盤，有鮑魚，蟶子，馬刀貝，羔蟹，蝦，全部海鮮都新鮮同靚，特別係鮑魚同蝦。六人有花雕雞半隻，加落個湯度就最好，而且焗雞都幾大隻，雖然唔係新鮮雞，但
大家都知出去食火鍋都唔平，特別係尖沙咀銅鑼灣，食得好少少無五六百都唔駛走，朋友前排問有邊間平又好，就推薦左呢間，我去試完之後，又真係好平。
當然你唔好食完同我講我介紹點解無以前高流灣啲海鮮咁靚，牛肉又無方榮記好，又無和牛又無黑毛豬，丸又唔夠平時介紹個啲好，湯底又唔夠特色，以下呢間火鍋本色，你講得出火鍋底牛肉海鮮丸餃類菜炸物飲品乜都有都只係三百蚊位，你仲想點。
呢個叫聚一聚套餐，四人同六人都各有唔同，睇你幾多人，但都係一句値。
湯底選擇有番茄薯仔豬骨湯 ，四川麻辣湯，瑤柱火腿冬瓜湯，馬來沙嗲湯，海底椰雪梨湯，大魚頭豆腐湯，芫茜皮蛋湯，火鍋清湯，以呢個價錢，一啲都唔求其，我點了海底椰雪梨湯，同芫茜皮蛋，幾足料，又唔俾淡而無味的食材。
本身四個人甘筍汁竹蔗水 / 酸梅湯任選一支，六人就各一支，而主菜本色極品手切牛同西班牙黑毛豬，二選一還是我全都要。
極品手切牛唔係好大件，但都幾夠牛味，平時你街市買都未必有咁靚，西班牙黑毛豬阿媽好鐘意，食唔停。
6人餐有特上海鮮拼盤，有鮑魚，蟶子，馬刀貝，羔蟹，蝦，全部海鮮都新鮮同靚，特別係鮑魚同蝦。
六人有花雕雞半隻，加落個湯度就最好，而且焗雞都幾大隻，雖然唔係新鮮雞，但係同新鮮雞嘅質素差唔幾。
炸釀油炸鬼嘅水準比較正常，當然唔會有平時大排檔嗰種鑊氣，金牌四寶丸選了水餃同韭菜餃，兩款都選擇可以，水餃特別好，非常豐滿。
樹記紫菜響鈴卷同樹記原味響鈴卷，食嘢嘅一定食紫菜。
炸魚皮，田園雜菜籃，稻庭鳥冬，米粉，呢啲基本嘢當然係代餐到包埋，二人四人六人都有。
買單每位都唔使$300 ，講真，你自己街市買都真係唔止呢個價錢，講真一班朋友食飯，呢啲最適合。
張貼
