豐生水起 (已結業)

等左咁耐晚市終於開返，一向勁鐘意打邊爐既我即時約埋3隻腳去我最鐘意的豐生水起打個邊爐，順便同老友聚一聚。久違了的邊爐飯局，無去咁耐第一時間叫左碟我至愛的炸魚皮，魚皮炸得脆口，最岩邊前開一開胃口，每次來都食到停唔到口。不用多說湯底是打邊爐的靈魂人物，我極力推介這裡的黃湯鴛鴦花膠雞湯底，足料花膠，邊前飲番碗補補身滋陰養顏，雖然湯濃黏口，但用來打邊爐絕對沒有搶去牛肉同海鮮的鮮味，讚呀！打邊爐既主打必然是牛肉，這裡的牛頸脊好新鮮，牛魔王的我們叫了3碟先收手。海鮮方面我必定食海蝦，鮮味十足。再來必食的一定是手打丸，我們4個女仔點了芝士墨丸，大大粒墨丸一咬下濃厚芝士即時湧出來，好食到暈。另外九菜餃用上綠綠的薄薄一層的餃皮，賣相吸引而味道清新。一向都只吃牛的我，因為今次老友食完都仲餓，提議試下食豬，就叫了客西班牙黑毛豬梅肉，意想不到豬梅肉十分爽口，美味之選。鮮淮山亦是我首次試食，平常飲湯時都不會食淮山，原來鮮淮山是可以這樣鮮甜可口。這裡的環境都算闊落，食物新鮮有質素，而他們的員工一向的衛生意識都十分良好，疫情期間更是加強清潔，食得放心。火鍋控必定要來朝聖！