February

營業中

休息中

難得早收工同事就話帶我去觀塘中海日升中心食好嘢。呢間餐廳係一間酒吧餐廳主打德國菜，我哋今次就叫咗個湯，前菜，同埋兩個主食。首先講下個松露野菌忌廉湯飲落真係食到一粒粒嘅蘑菇碎，非常濃郁口感豐富。前菜方面我哋就叫咗一個芝心蟹肉配芥末沙律醬，成個菜色嘅設計擺盆設計得好靚，切開中間真係見到有拉絲嘅芝士效果蟹肉味鮮甜，配上芥末沙律非常絕配。主菜方面同事就介紹一定要食佢哋嘅火焰德國鹹豬手配酸椰菜，一上台估唔到隻豬手咁大隻之後個侍應會到啲酒係面再點上火，效果真係令人好有驚喜，絕對會嗱嗱聲拎起手機來拍攝！等大家影完相侍應就會幫我哋拎入廚房切到一件件方便大家食用非常貼心，隻豬手一上台已經聞到好香，表皮烤到脆卜卜入邊啲肉一啲都唔係鞋口，仲非常嫩滑Tim 食完感覺補充左滿滿嘅骨膠原。另一款主菜個同事就推介我哋食法式寶雲酥羊架，呢個主菜份量都唔少一共有三件羊架面頭啲羊假鋪滿左啲麵包糠同唔同嘅香草嚟醃製，羊架烹調時間煮得啱啱好唔會太生或者太熟，食落肉質嫩口而且肥瘦適中非常好食。估唔到呢間餐廳真係幾有水準下次絕對會再同朋友黎試吓唔同款式！