The Corner Coffee

營業中

休息中

灣仔樓上cafe，The Corner Coffee，除左提供餐飲服務，店內仲有環保生活用品供客人購買。秘製蒲燒鰻魚飯配流心蛋：鰻魚燒到帶微微炭香，而且魚油味突出，醬汁份量亦啱啱好，加上流心蛋，撈飯食一流。All Day Breakfast：食材十分豐富，包括炒蛋、牛油果、煙三文魚、煙肉腸、多士、什菜沙律，炒蛋炒得滑溜，牛油果健康，煙三文魚咸香，竹炭多士烘得香脆，什菜沙律口感清新。港式經典格仔餅配Milk Top藍莓芝士雪糕：賣相非常吸引，配料有花生醬、煉奶、細味公平有機腰果糖及果乾，格仔餅搽滿花生醬和煉奶，烘得熱辣辣，口感脆卜卜，蛋味香濃，再灑左好多腰果糖和果乾在上面，仲有一球味道香濃而軟滑既雪糕，難以抗拒既誘惑。總結，餐廳食物高質，製作用心，擺盤精美，份量十足，性價比之選。