🥟 西洋菜豬肉煎餃
皮薄餡足，煎得金黃香脆，咬落去肉汁爆出嚟，西洋菜同豬肉比例啱啱好，唔會太油膩，熱辣辣上枱，正！
🥟京蔥羊肉水餃
平時怕羊騷味嘅朋友可以放心，呢度嘅羊肉餃完全冇羶味，皮薄得嚟唔易穿，餡料調味恰到好處。
🥣酸辣湯
酸度同辣度平衡得幾好，少少鹹，配料足，開胃之選！
🥒 涼拌青瓜
第一次見涼拌青瓜加芝麻醬，出奇地夾！青瓜爽脆，係個唔錯嘅前菜。
🍖 鎮江肴肉
唯一扣分位，一夾就散，雖然味道唔差，但口感扣咗少少分。
店舖細細，座位比較逼，裝修簡單，乾淨企理。店員效率幾高，上菜速度快，態度都算友善。
以灣仔區嚟講算合理，餃子質素對得住個價錢。餃子控必試！煎餃同水餃都做得唔錯，酸辣湯亦係亮點。雖然環境有啲逼，但食物質素搭夠，值得一試！
