影片
更多
2024-10-11
1255 瀏覽
Café係朋友食過一次極力推薦我去，我最特別同佢講話要搵一間好坐又好傾嘅餐廳，佢就推薦咗我嚟呢一間。平時我真係好少會用隱世，但係唔使細心留意真係好難會搵到餐廳，就算個位置唔算好偏僻。坐得真係超級舒服，門口亦都有啲精品corner賣啲得意嘢。‣ 日式咖喱飯配吉列蝦 $148咖喱醬汁偏甘口，但係有啲微微嘅辛辣味都幾過癮，我自己都幾鍾意呢個味道，最緊要係唔會太過甜。炸蝦都炸得金黃酥脆，隔離仲有蛋黃醬真係超級邪惡，但係食嘅時候真係覺得好滿足。飯嘅軟硬度適中，又唔會太過濕軟，佢啲咖喱汁都唔少，簡簡單單但係令人好滿意嘅日式料理。‣ 澳洲和牛芝士漢堡配黑松露薯條 $158和牛肉餅真係相當好味，肉質鮮嫩多汁，真係一邊食一邊滴啲汁出嚟，雖然有啲狼狽，但係整體真係好享受。漢堡嘅麵包皮都相當柔軟，醬汁都啱啱好唔會太過搶味。佢啲薯條真係啱啱炸好，熱辣辣咁樣食真係好正，就算生緊痱滋都照食。最鍾意都係佢嘅黑松露醬，簡直係幫個薯條加爆分，呢個價錢真係相當抵食。‣ 橙子冰茶 $42酸酸甜甜嘅冰茶真係令人超級滿意，而且我覺得解膩真係一流，絲絲嘅茶澀再搭配香橙嘅甜，果然係餐廳推薦之選，飲完覺得真係好清新舒爽。‣ 伯爵茶鮮
‣ 日式咖喱飯配吉列蝦 $148
咖喱醬汁偏甘口，但係有啲微微嘅辛辣味都幾過癮，我自己都幾鍾意呢個味道，最緊要係唔會太過甜。炸蝦都炸得金黃酥脆，隔離仲有蛋黃醬真係超級邪惡，但係食嘅時候真係覺得好滿足。飯嘅軟硬度適中，又唔會太過濕軟，佢啲咖喱汁都唔少，簡簡單單但係令人好滿意嘅日式料理。
‣ 澳洲和牛芝士漢堡配黑松露薯條 $158
和牛肉餅真係相當好味，肉質鮮嫩多汁，真係一邊食一邊滴啲汁出嚟，雖然有啲狼狽，但係整體真係好享受。漢堡嘅麵包皮都相當柔軟，醬汁都啱啱好唔會太過搶味。佢啲薯條真係啱啱炸好，熱辣辣咁樣食真係好正，就算生緊痱滋都照食。最鍾意都係佢嘅黑松露醬，簡直係幫個薯條加爆分，呢個價錢真係相當抵食。
‣ 橙子冰茶 $42
酸酸甜甜嘅冰茶真係令人超級滿意，而且我覺得解膩真係一流，絲絲嘅茶澀再搭配香橙嘅甜，果然係餐廳推薦之選，飲完覺得真係好清新舒爽。
‣ 伯爵茶鮮奶咖啡 $52
‼️超級推薦‼️呢一杯簡直係夜晚唔使瞓覺之選，但係絕對值得，第一啖飲到嘅係伯爵茶嘅茶香，第二啖就飲到咖啡豆嘅香味，茶味再加咖啡味簡直係衝擊味蕾嘅混合雙打，兩者嘅比例真係啱啱好，唔會話是但一邊搶咗陣味，完全唔使加糖先係對呢一杯嘢飲嘅尊重。而且餐廳仲有得俾你揀「Fruity」或「Nutty」，相當之滿意佢嘅咖啡。
‣ 雙魚小姐開心果巴斯克蛋糕 $60
‼️唔嗌會後悔‼️呢個蛋糕真係超出我預期，唔使整到流心嘅效果，我都超級滿意，開心果味超濃郁，口感相當細膩，入口相當順滑，入口即溶得嚟個蛋糕嘅口感又有一定嘅厚實感，真係忍唔住係咁食係咁食，如果個胃嘅位置唔係有限，真係好想食多兩三嚿，好耐冇食過令我咁滿意嘅蛋糕，所以個封面真係要擺佢喺到。
張貼
