新泰東南亞餐廳 (已搬遷) 新店位置

灣仔午飯時間到到都係人多擠迫，到到都排長龍。今日見呢間餐廳比較少人排，於是決定試下。 入到去都要等位。但個侍應好幫忙，叫d食完吹緊水未走嘅人坐迫d，空番兩個位比我地。同女友各自叫左個Lunch Set ，$62 要加一。我叫左叫椰汁海鮮焗飯，因為即叫即焗，所以要等下。熱辣辣，味道甜甜地，食得出d椰汁係新鮮嘅椰汁，OK.女友叫左個泰式海鮮炒粉絲，幾好味，幾有泰味，不過唔算太特出啦。飯後有甜品送，甜品麻麻地。令人驚喜嘅係杯奶茶，估唔到泰國餐廳可以沖得比好多茶餐廳好。總括來講，以餐廳的環境，服務同食物水準，係物有所值。