旺記冰室 (建利大廈)

營業中

休息中

晨早流流出去灣仔做野，順便去搵靚早餐食！旺記冰室好選擇特濃蕃茄湯餐肉粒通粉特濃湯底真係無誇張到，湯底好濃好夠味，同餐肉粒味道好夾，通粉本身又好掛湯，好好味好開胃。本身以為食唔晒，點知好啱胃口，清碗。炒滑蛋蛋味非常濃郁，同平時茶記食開既好唔同，原來係用日本生產既雞蛋，加上師傅好好手勢，真係做到「滑」蛋。為新一天帶來一個完美嘅開頭。奶油豬烘得啱啱好，外脆內軟。仲要頂同底兩塊都比晒，食得好滿足！涷愛爾蘭咖啡咖啡味非常濃郁，咖啡豆炒得夠燶，一百分提神！仲有好多特色食品，留返下次再幫襯。